Feiing og tilsyn med fyringsanlegg |
Brannvesenet sørgjer for feiing og tilsyn med fyringsanlegg. Kor ofte det skal feiast, skal fastsetjast ut frå behov, men minimum kvart fjerde år. Behovet blir bestemt ut frå oppvarmingssystemet i bustaden, sotmengd o.a. Tilsyn og kontroll av piper og eldstader skal gjerast kvart fjerde år. |
| Kriterium/vilkår Tenesta gjeld berre heilårsbustader. Fritidsbustader er unnateke lovpålagt feiing, men brann- og feiarvesenet kan feie slike stader etter avtale. Det er bygningseigaren sitt ansvar å sørgje for sikker tilkomst til og på tak. Er feiaren avhengig av laus stige for å kome til taket, skal eigaren sørgje for at det er eigna stige på lett tilgjengeleg stad. Nærmare krav til sikker tilkomst følgjer av forskrifter til arbeidsmiljølova (stillas, stigar og arbeid på tak m.m.) og av forskrift om krav til byggverk og produkt til byggverk (tekniske forskrifter til plan- og bygningslova). Stillasforskrifta set krav som gjeld bruk av laus stige og krav til typegodkjenning av stigar. |
| Pris for tenesten Lokal forskrift for feiing og tilsyn |
| Brosjyrer, dokumentar, kart og liknande Direktoratet for samfunnssikkerhet og beredskap har utarbeidd ei omfattande rettleiing til forskrifta om brannførebyggjande tiltak og tilsyn, sjå www.dsb.no |
| Regelverk |
| Kommunen har plikt til å sørgje for denne tenesta. Sjå også forskrift om brannførebyggjande tiltak og tilsyn kapittel 7 og 2. Lover Brann- og eksplosjonsvernloven § 11 Forskriftar Forskrift om brannforebyggende tiltak og tilsyn Forskrift om stillaser, stiger og arbeid på tak m.m. Lokal forskrift feiing og tilsyn |
| Praktiske opplysningar |
| Rettleiing - korleis få utført eller motta tenesta Heilårsbustader med pipe/eldstad som er registrerte i eigedomsregisteret i kommunen, vil automatisk bli kontakta ved feiing eller tilsyn. Dersom du monterer ny pipe eller eldstad i ein bustad som tidlegare ikkje har hatt det, må det sendast melding til kommunen. Det blir til vanleg levert varsel om feiing eller tilsyn i postkassa dagen før. Dersom tidspunktet ikkje høver, kan du avtale nytt tidspunkt med feiaren. Dersom det ikkje er klargjort for feiing (folk til stades, framlagt stige eller på annan måte gjeve klar melding om at det kan feiast), vil det ikkje bli feia. Du kan ikkje rekne med ny feiing før neste runde dersom det ikkje blir gjort ny avtale medan feiaren er i området. Ta difor kontakt med feiaren så snart som mogleg. |
| Send søknaden til Sandøy kommune 6487 Harøy |
| Høve til å klage Dersom feiarvesenet ikkje gjer tenestene sine på ein tilfredsstillande måte, kan du ta kontakt med kommunen. Klageinstans for vedtak som er gjorde av brannsjefen, er klagenemnda i kommunen. |