Informasjon om NAV-kontor i Sandøy

I samband med reforma blei Aetat og trygdeetaten lagt ned og Arbeids- og velferdsforvaltninga (NAV) blei etablert 1. juli 2006. Kommunal sosialteneste blir samordna med den nye statlege etaten i eit forpliktande samarbeid mellom den enkelte kommune og staten, det blir nedfelt lokal samarbeidsavtale i kvar enkelt kommune. Det blir ikkje endring i ansvarsforholda mellom stat og kommune.

 

 

 

NAV sitt overordna mål er å gi menneske moglegheit til arbeid/aktivitet, og samtidig sikre rettigheiter til velferdsytingar.

Reforma skal føre til:

- Fleire i arbeid og aktivitet, færre på stønad

- Enklare for brukarane og tilpassa brukarane sine behov

- Ei heilskaplig og effektiv arbeids- og velferdsforvaltning

De skal vere ei dør til NAV-kontoret i alle kommunar!

 

 

Tenestetilbodet i NAV-Sandøy omfattar alle tenester frå tidligare trygdeetaten og Aetat, samt kommunen si sosialteneste. Sandøy kommune har tatt inn i NAV: Økonomiske stønadsordningar (ikkje bustønad), økonomisk sosialhjelp, økonomisk rådgiving, rusomsorg og barnevern.

 

 

 

NAV Sandøy finn du i samme lokala som tidlegare NAV Sandøy trygd (”i gamle posten” i tilknytning til rådhuset).