Pasient- og brukarombodet |
|
Du kan kontakte pasient- og brukarombodet dersom du er misnøgd med den hjelpa du har fått på sjukehuset eller av den kommunale helse- og omsorgstenesta. Ta òg kontakt dersom du meiner at du ikkje får oppfylt rettane dine som pasient, brukar eller pårørande eller du treng rettleiing. Ombodet kan gi deg informasjon om rettane dine, hjelpe deg med å formulere ei klage eller vidaresende klaga di til rett adressat. Pasient- og brukarombodet har teieplikt og er sjølvstendig og uavhengig. |
| Målgruppe Alle kan vende seg til pasient- og brukarombodet, uavhengig av om dei mottar sjukehusbehandling eller kommunale helse- og omsorgstenester. |
| Kriterium/vilkår Arbeidsområdet til pasient- og brukarombodet er statlege spesialisthelsetenester og kommunale helse- og omsorgstenester. |
| Pris for tenesten Hjelpa er gratis. |
| Brosjyrer, dokumentar, kart og liknande Meir om ordninga finn du i lenkja under. Der finn du òg kontaktinformasjon til pasient- og brukarombodet i fylket. Pasient- og brukerombudet |
| Serviceerklæring |
| Regelverk |
Lover Helse- og omsorgstjenesteloven Pasient- og brukerrettighetsloven kapittel 8 - Pasient- og brukerombud Psykisk helsevernloven § 4-5 tredje ledd |
| Praktiske opplysningar |
| Rettleiing - korleis få utført eller motta tenesta Ta kontakt med pasient- og brukarombodet i fylket. Du kan vende deg dit anonymt dersom du ønskjer det. Ombodet gir deg råd om kva du bør gjere, men du avgjer sjølv om du vil gå vidare med saka di. |
| Send søknaden til Sandøy kommune 6487 Harøy |
| Sakshandsaming Pasient- og brukarombodet avgjer sjølv om framlegget ditt gir tilstrekkeleg grunn til å behandle saka. Dersom ombodet vel å ikkje gjere noko med saka, skal du få ei kort grunngjeving for kvifor. |