Salsløyve alkohol |
|
Personar eller verksemder som ønskjer å selje og utlevere alkoholhaldig drikk for drikking utanfor salsstaden, må søkje kommunen om salsløyve. Det blir ikkje gitt løyve til bensinstasjon eller kiosk. Salsløyvet gjeld drikk som inneheld over 2,5 og høgst 4,7 volumprosent alkohol. Løyvet blir gitt for maksimum fire år om gongen. Endringar i løyve skjer ofte fleire gonger i løpet av løyveperioden. Dette kan for eksempel skje ved skifte av styrar og avløysar, endringar i driftskonsept eller endringar i eigarforhold. Slike endringar krev ofte ny godkjenning, eventuelt nytt løyve. Løyvet fell bort dersom verksemda blir overdradd til andre. Verksemda kan likevel halde fram på det tidlegare løyvet i inntil tre månader. Føresetnaden er at løyvemyndigheita er underetta om det. Det må søkjast om nytt løyve så snart som mogleg og seinast innan 30 dagar etter overdraginga. |
| Kriterium/vilkår Løyvesøkjaren og personar som har vesentleg innverknad på verksemda, må ha utvist uklanderleg vandel. For kvart løyve skal det peikast ut ein styrar med avløysar. Begge må ha stått kunnskapsprøva om alkohollova. Dei må vere over 20 år, arbeide i verksemda og oppfylle dei krava som alkohollova stiller. |
| Pris for tenesten Gebyr for løyvet reknast ut etter satsane i alkoholforskriften § 6-2. Satsen er 0,17 kr pr. vareliter for alkoholhaldig drikk i gruppe 1, og med årleg minstegebyr på kr 1 200. Kommunen kan i særlege tilfelle fastsetje at gebyret skal vere lågare.
Bevillingsgebyr - brosjyreBevillingsgebyr - retningsliner |
| Brosjyrer, dokumentar, kart og liknande |
Samarbeidspartnarar
|
| Serviceerklæring |
| Regelverk |
Lover Lov om omsetning av alkoholholdig drikk (alkoholloven) Forskriftar Forskrift om omsetning av alkoholholdig drikk (Alkoholforskriften) Retningslinjer Håndbok i alkoholloven (Helsedirektoratet) Reglement for delegasjon etter alkohollova Sals- og skjenkestader - Brot på alkohollova - retningsliner Sals- og skjenkestader - retningsliner for kontroll Sals- og skjenketider - reglement |
| Praktiske opplysningar |
| Rettleiing - korleis få utført eller motta tenesta Du må søkje skriftleg. Du kan kontakte kommunen for å få rettleiing. |
| Skjema Søknadsskjema får du ved sørvistorget. |
Vedlegg
|
| Send søknaden til Sandøy kommune 6487 Harøy |
| Sakshandsaming Når søknaden er motteken i kommunen, blir det innhenta fråsegner frå politiet, sosialtenesta og skatte- og avgiftsmyndigheitene. Løyve blir gitt etter skjønn. Til vanleg får du ei grunngjeving samstundes med vedtaket. Du får alltid ei grunngjeving dersom ein kan tenkje seg at du blir misfornøgd med vedtaket. Dersom grunngivinga ikkje følgjer med, kan du få ho ved å vende deg til kommunen innan klagefristen for vedtaket går ut. Sandøy kommune har vedteke reglement for delegasjon av avgjerdsmynde i løyvesaker, jf ovanfor: "Reglement for delegasjon etter alkohollova". |
| Saksbehandlingstid Behandlingstida i kommunen er rekna ut til om lag tre månader. |
| Høve til å klage Dersom du er misnøgd med vedtaket, kan du klage til kommunen innan ein frist på tre veker frå du mottok det. Forklar kva du er misnøgd med og kvifor du meiner vedtaket bør endrast. Dersom du treng rettleiing, kan du vende deg til kommunen. Dersom kommunen lar vedtaket stå, blir saka sendt vidare til Fylkesmannen, som avgjer om klagen skal bli teken til følgje.
|