Sjukeavdeling

 

Sjukeavdelinga er lokalisert i Sandøytunet og har 8 plassar. Dette er for bebuarar som er alvorleg sjuke, treng mykje omsorg og pleie, men som ikkje har eit særskilt behov for skjerming.

 

·                    Ein skal få eit individuelt tilpassa tilbod i forhold til pleie og omsorg

·                    Bebuarane skal oppleve tryggleik, trivsel, tillit og omsorg

·                    Ein ynskjer at både bebuarar og tilsette skal ha ei positiv utvikling, der ein har eit felles ansvar for å følgje avdelinga si målsetting

 

Bebuarane vil få tildelt tilsette i avdelinga til primærkontaktar. Desse kontaktane vil ha eit meiransvar overfor bebuaren og deira pårørande, knytt til oppfølging.

 

Bebuarane kan velje når ein ynskjer å stå opp/ leggje seg, og når/ kvar ein ynskjer å ete sine måltid. Dersom ein ynskjer å ete på fellesrom blir det servert (med forbehold om endringar):

Frukost:                       kl 09.00 – kl 10.00

Kaffi/ drikke/ frukt:      kl 11.30 – kl 12.00

Middag:                       kl 13.00 – kl 14.00

Kaffi/ kaffimat:            kl 16.00 – kl 17.00

Kveldsmat:                 kl 18.30 – kl 19.30

Seinkvelds/suppe:    kl 20.30 – kl 21.00

Tilsette arbeider i tre skift; dag, kveld og nattevakter.

I vaktskifte har personalet rapport på vaktrom, men er likevel tilgjengelege ute i avdelinga etter behov.

                                                                                                                                                                                                                          

Ein har ikkje faste besøkstider i eininga; alle kan motta besøk når dei ynskjer dette.

 

Avdelinga har eit større fellesrom med kombinert kjøkken og stue. Ein har og sitjegruppe i gangen. Alle bebuarane har enkeltrom, men ikkje eigne bad/wc. Bebuarane har høve til å ta med seg nokre eigedelar for å setje meir personleg preg på sitt rom.

Det er høve til å nytte rom for velvære med dusj og boblebad, knytt til skjerma eining.

 

                                                                                                                                                                                                     

Middag vert bringa frå storkjøkken dagleg, medan andre måltid utover dagen vert laga til og servert i avdelinga.

 

Ein har lege knytt til avdelinga gjennom visitt x 1 pr veke, dette gjeld torsdagar.

Dersom pårørande ynskjer kontakt med lege, ta kontakt med sjukepleiar for å avtale møte.

 

Frisør og fotpleiar kjem til avdelinga etter behov. Dette er tenester bebuar må betale sjølv.

 

Tannpleiar har tilsyn med bebuarane jf. avtale. Tannlege etter behov.

 

Vi samarbeider med Omsorgstenester / Møteplass om aktivitetar og underhaldning. Bebuarane har tilbod om å delta ved Møteplass (dagsenter) ved gjeldande dagar.

Ein skal legge til rette for at bebuarane kan ha mulegheit til å ivareta sitt livssyn. Det er andakt og gudsteneste knytt til Sandøytunet fleire gonger pr. år. Dersom det er særskilte ynskje, kan prest tilkallast etter behov.

 

Bebuarar treng ikkje betale TV- lisens for eigen TV i avdelinga.

 

Vi vonar at du som pårørande kan bidra med å:

·                    kjøpe inn/ skaffe til veie nye klede dersom noko manglar

·                    merke kleda til bebuaren

·                    rydde i klesskap, evt. skifte sommar – og vintergarderobe

·                    rydde i nattbord (dette samarbeider ein om)

·                    pynte på rommet til høgtider og rydde bort etterpå

 

Alt av privatklede vert i utgangspunktet vaska i kvar avdeling. Kleda må vere godt merka for å unngå at noko vert borte. Pårørande må merke kleda til bebuar. Tilsette skal vere behjelpeleg med å bestille eigne namnelappar. Klede som skal handvaskast anbefalast ikkje, då dei lett kan verte skada i vask. Ein har ikkje høve til å rense klede.

 

Toalettsaker som tannbørste, barbersaker og spesielle kroppspleieartiklar må bebuaren halde sjølv.

 

Dersom personalet er direkte ansvarleg for klede eller tannprotesar vert øydelagde/ går tapt ,erstattar sjukeheimen dette.

 

Ein må ikkje vere redd for å ta kontakt med oss om spørsmål vedkomande tenestene vi gir. Vi vil gjerne ha tilbakemeldingar om korleis de opplever tilbodet hos oss ved sjukeavdelinga. Tilsett med primærkontakt er behjelpeleg med å vidareføre eventuelle klager skriftleg.