Skjerma eining

 

Skjerma eining er lokalisert i Sandøytunet og har 8 plassar. Dette er for bebuarar som har eit særskilt behov for skjerming og trygging. Dette gjeld for det meste personar som har ein demens.

 

·                    Skjerma eining skal vere ein god stad å bu

·                    Ein skal få eit individuelt tilpassa tilbod i forhold til pleie og omsorg

·                    Bebuarane skal oppleve tryggleik, trivsel, tillit og omsorg

·                    Ein ynskjer at både bebuarar og tilsette skal ha ei positiv utvikling, der ein har eit felles ansvar for å følgje eininga si målsetting

 

 

 

 Bebuarane vil få tildelt tilsette i eininga til primærkontaktar. Desse  kontaktane vil ha eit meiransvar overfor bebuaren og deira pårørande, knytt til oppfølging.

 

 Bebuarane kan velje når dei ønskjer å stå opp/leggje seg, og når/kvar dei ynskjer å ete sine måltid. Dersom dei ønskjer å ete på fellesrom, blir det servert (med forbehold om endringar):

 Frukost:                       kl. 09.00 - kl. 10.00

 Kaffi/drikke/frukt:        kl. 11.30 - kl. 12.00  

 Middag:                       kl. 13.00 - kl. 14.00

 Kaffi/kaffimat:             kl. 16.00 - kl. 17.00

 Kveldsmat:                 kl. 18.30 - kl. 19.30      

 Seinkveld/suppe:      kl. 20.30 - kl. 21.00

    

 

                                                                                                                                                                

 

 

 

 

                                                                                            

 

Tilsette arbeider i tre skift; dag, kveld og nattevakter.

I vaktskifte har personalet rapport på vaktrom, men er likevel tilgjengelege ute i eininga etter behov.

 

Det er ikkje faste besøkstider i eininga, alle kan motta besøk når dei ynskjer dette.

 

Eininga har eit større fellesrom med kombinert kjøkken og stue. Det er og sitjegrupper andre stader i eininga. Alle bebuarane har enkeltrom, men ikkje eigne bad/wc. Bebuar har høve til å ta med seg nokre eigedelar for å setje meir personleg preg på sitt rom.

Det er tilgang til eit rom for velvære med dusj og boblebad i eininga.

  

 

 

  

 

Middag vert bringa frå storkjøkken dagleg, medan andre måltid utover dagen vert laga til og servert i eininga.

 

Det er lege knytt til avdelinga gjennom visitt x 1 pr veke, dette gjeld torsdagar.

Dersom pårørande ynskjer kontakt med lege, ta kontakt med sjukepleiar for å avtale møte.

 

Frisør og fotpleiar kjem til avdelinga etter behov. Dette er tenester bebuar må betale sjølv.

 

Tannpleiar har tilsyn med bebuarane jf. avtale. Tannlege etter behov.

 

Vi samarbeider med Omsorgstenester / Møteplass om aktivitetar og underhaldning. Bebuarane har tilbod om å delta ved Møteplass (dagsenter) ved gjeldande dagar.

Ein skal legge til rette for at bebuarane kan ha høve til å ivareta sitt livssyn. Det er andakt og gudsteneste knytt til Sandøytunet fleire gonger pr. år. Dersom det er særskilte ynskje, kan prest tilkallast etter behov.

 

Bebuarar treng ikkje betale TV- lisens for eigen TV i eininga.

 

Vi vonar at du som pårørande kan bidra med å:

·                    kjøpe inn/ skaffe til veie nye klede dersom noko manglar

·                    merke kleda til bebuaren

·                    rydde i klesskap, evt. skifte sommar – og vintergarderobe

·                    rydde i nattbord ( dette samarbeider ein om)

·                    pynte på rommet til høgtider og rydde bort etterpå

 

Alt av privatklede vert i utgangspunktet vaska i kvar avdeling. Kleda må vere godt merka for å unngå at noko vert borte. Pårørande må merke kleda til bebuar. Tilsette skal vere behjelpeleg med å bestille eigne namnelappar. Klede som skal handvaskast er ikkje å anbefale, då dei lett kan verte skada i vask. Vi har ikkje høve til å rense klede.

 

Toalettsaker som tannbørste, barbersaker og spesielle kroppspleieartiklar må bebuaren halde sjølv.

 

Dersom personalet er direkte ansvarleg for at klede eller tannprotesar vert øydelagde/ går tapt ,erstattar sjukeheimen dette.

 

Ein må ikkje vere redd for å ta kontakt med oss om spørsmål vedkomande tenestene vi gir. Vi vil gjerne ha tilbakemeldingar om korleis de opplever tilbodet hjå oss ved skjerma eining. Tilsett med primærkontakt er behjelpeleg med å vidarefører eventuelle klager skriftleg.