Startlån

Startlånet skal bidra til at husstandar med bustadetableringsproblem skal etablere seg og bli buande i nøkterne og gode bustader. Startlån kan ytast som topp- eller fullfinansiering ved kjøp eller utbetring av bustad. Det kan også nyttast til refinansiering, slik at husstanden kan bli buande i noverande bustad, eller til toppfinansiering ved bygging av ny bustad.

 

Startlån er behovprøvd. Søkjar må dokumentere at husstanden si framtidige inntekt vil vere tilstrekkeleg for å kunne betale renter og avdrag på lånet i tillegg til vanlege levekostnader.

Startlån kan gjevast til:

 

-         unge i etableringsfasen

-         barnefamiliar

-         einslege forsørgjarar

-         funksjonshemma

-         flyktningar

-         personar med opphald på humanitært grunnlag

-         økonomisk vanskelegstilte husstandar

 

Søknaden:                           Skriftleg på fastsett søknadsskjemaVedlegg:                               Dokumentasjon på inntekt,formue, gjeld, evt. legeattest/sosialrapport,

Rettleiing:                            Sørvistorget kan gje nærare rettleiing

Søknadsfrist:                       Ingen.  Søknader blir behandla etterkvart som dei kjem inn.   

 

 

 

Behandling/søknadsprosess:

Ta kontakt med Sparebanken Møre, avd. Harøy, tlf. 71 27 55 02, for bestilling av timeavtale hos kundeansvarleg – startlån. Banken skal hente inn dokumentasjon og opplysningar frå søkjar, og berekne søkjar sin økonomisk situasjon etter låneopptak. Banken sender deretter søknaden over til kommunen. Sandøy kommune saksbehandlar søknaden og fattar vedtak. Dersom startlån vert innvilga, er det Sparebanken Møre som administrerer lånet vidare på vegne av Sandøy kommune.

Lover og retningliner:

- Forskrift om startlån frå Den Norske Stats Husbank av 02.12.2002

- Sandøy kommune - Kommunale retningslinjer for tildeling av startlån av 01.06.2003

- Startlånsordninga - Samarbeidsavtale om søknads- og saksbehandlingsrutiner mellom Sandøy kommune

  og Sparebanken Møre av 27.03.2003

 

Nyttig lenkje: