Hopp til hovedinnholdet på siden Hopp til nettstedskarta Hopp til kontaktinformasjon
Bile av Harøy med hav og fjell i bakgrunnen
Du er her: Hjem > Tenestekatalog > Tenester A-Å

Ulykkesforsikring for elevar

Kommunen og fylkeskommunen pliktar å sørgje for ulykkesforsikring for elevane. Forsikringa skal gi dekning for nødvendige utgifter til behandling og erstatning ved død eller varig medisinsk invaliditet. Forsikringssummen ved varig medisinsk invaliditet er 5 gonger grunnbeløpet i folketrygda (G) og ved død 1 G.

Målgruppe
  • Elevar i grunnskolen og vidaregåande skole
  • Lærlingar og lærekandidatar

Forsikringa gjeld ikkje elevar under opplæring spesielt organisert for vaksne  eller barn i skolefritidsordninga.

Kriterium/vilkår

Forsikringa gir eleven dekning for ulykkesskade som har hendt 

  • på skolen i skoletida
  • på veg mellom heim og skole
  • under praktisk yrkesopplæring og opplæring i arbeidslivet og på veg mellom heim og arbeidsplass 
  • under transport, skoleturar, idrettsdagar, leirskolar og liknande som skolen er ansvarleg for 
  • under Operasjon dagsverk og andre liknande elevaktivitetar, og mellom heim og den stad der aktiviteten skjer
     

For elevar ved internatskolar gjeld forsikringa heile døgnet i den tid elevane held seg på skolen, men ikkje i feriar og liknande fråvær.

Forsikringa kan gjere unnatak frå dekninga når årsaka til skaden er

  • forgifting ved mat, drikke eller nytingsmiddel
  • infeksjon eller stikk/bit av insekt 
  • smitte gjennom bakteriar, virus eller anna smittekjelde
  • psykiske skadar 
     
Pris for tenesten
Brosjyrer, dokumentar, kart og liknande
Serviceerklæring
Regelverk
Eleven har dei same rettane ved eit forsikringsoppgjer som andre forsikringstakarar. Sjå forsikringsavtaleloven del B om personforsikring.

Lover
Lov om forsikringsavtaler (forsikringsavtaleloven)

Forskriftar
Forskrift til opplæringslova kap. 8 Ulykkesforsikring for elevar
Praktiske opplysningar
Send søknaden til

Sandøy kommune

6487 Harøy